60+ í Samfylkingunni í Hafnarfirði

Félagar í 60+ hafa staðið fyrir fjölmennum fundum um mikilvæg málefni og hafa þeir fundir verið auglýstir sérstaklega. Frá því febrúar 2008 hafa félagar í 60+ einnig staðið fyrir svokölluðu Kaffisetri í húsi félagsins að Strandgötu 43, frá klukkan 10-12 í viku hverri á þriðjudögum og föstudögum. Hugmyndin er sú að Kaffisetrið sé vettvangur til upplýsingamiðlunar og fjölbreyttra umræðna og eru að sjálfsögðu allir velkomnir. Bæjarfulltrúar, þingmenn og nefndarfólk hefur verið duglegt að mæta í Kaffisetrið og er óhætt að segja að þar hafi oft og iðulega skapast miklar og skemmtilegar umræður og aðsókn verið fram úr björtustu vonum.